Nú er vinna við gerð menningarstefnu fyrir Vestmannaeyjabæ á lokasprettinum. Starfshópur á vegum bæjarins hefur tekið fjölda rýnihópaviðtala við hina ýmsu hópa í samfélaginu þar sem reynt hefur verið að fá fulltrúa sem flestra hagsmunaaðila að borðinu. Til þess að gefa enn fleirum kost á að segja sína skoðun hefur verið útbúin nafnlaus viðhorfskönnun sem svara má hér: Viðhorfskönnun vegna menningarmála í Vestmannaeyjum , einnig hefur verið settur upp hugmyndakassi í Safnahúsi Vestmannaeyja og þá er hægt að koma hugmyndum á framfæri í tölvupósti á netfangið menningarstefna@vestmannaeyjar.is . Stefnt er að því að gagnaöflun verði lokið fyrir 1. mars 2026.
Það er von okkar að áhugafólk um menningu í Vestmannaeyjum leggi lóð sitt á vogarskálarnar og eignist þannig hlut í menningarstefnunni.
Fyrir hönd starfshóps um nýja menningarstefnu Vestmannaeyjabæjar,
Sigurhanna Friðþórsdóttir, verkefnisstjóri.