Auglýsing um styrki árið 2006

Fornleifasjóður auglýsir eftir umsóknum um styrki úr sjóðnum skv. 24. gr. þjóðminjalaga nr. 107/2001. Veittir verða styrkir til verkefna, sem stuðla að rannsóknum og varðveislu á fornleifum og forngripum. Umsóknarfrestur er til 28. apríl n.k. Á fjárlögum 2006 eru 5 milljónir króna til ráðstöfunar. Úthlutunarreglur sjóðsins nr. 73/2004 eru birtar í Stjórnartíðindum og á vef menntamálaráðuneytis, menntamalaraduneyti.is. Þar að auki hefur stjórnin fylgt þremur meginreglum:

1. Að styrkja umsóknir að fullu eða ekki.

2. Að leitast við að dreifa styrkjum svo jafnt milli landshluta sem unnt er.

3. Að tryggja, að fagfólk annist þær rannsóknir sem styrktar eru.

Umsóknir, í fjórum eintökum, sendist menntamálaráðuneytinu, Sölvhólsgötu 4, 150 Reykjavík.

Reykjavík, 11. apríl 2006.

Stjórn Fornleifasjóðs.

Fræðslu-og mewnningarsvið Vestmannaeyjabæjar