Það styttist í að menn fái að heyra goslokalag Bjartmars «Leiðin heim» og svo ætlar hann líka að sýna málverk sín á hátíðinni. Selma Ragnarsdóttir er með í vinnslu óvenjulega tískusýningu og myndlistarkonan Hulda Hákon sýnir verk sín ásamt fjölmörgum öðrum frábærum listviðburðum.
Nýbreytni að þessu sinni verður sú að hátíðarsvæði kvölddagskrár á laugardagskvöldinu verður færð úr Skvísusundi yfir á svæðið á bak við Magnahúsið. Pipphúsið verður þó áfram á sínum stað.
Þetta verður margra daga dagskrá, sem hefst á miðvikudeginum, en formleg setning hátíðarinnar verður á föstudeginum á Stakkó. Þá verður einnig opnuð sýning til minningar um Noregsför ungmenna frá Eyjum sumarið 1973. Þeir sem eiga minningar og minjagripi frá þeirri ferð eru beðnir um að vera í sambandi við goslokanefnd. Aðrir sem hafa innlegg í dagskrána eru beðnir um að hafa samband sem allra fyrst í síma 488-2000 eða við kristin@vestmannaeyjar.is Gert er ráð fyrir að endanleg dagskrá verði tilbúin í byrjun júní.
Goslokanefnd