Atvinnuþróun og nýsköpun

Af vef Byggðastofnunar

Mótvægisaðgerðir ríkisstjórnarinnar til eflingar atvinnuþróunar og nýsköpunar 2008 og 2009. Auglýst eftir umsóknum, frestur til að skila rennur út 19. febrúar.

Ríkisstjórnin hefur ákveðið að veita alls 100 milljónum króna árið 2008 til eflingar atvinnuþróunar og nýsköpunar vegna skerðingar þorskaflaheimilda

Ríkisstjórnin hefur ákveðið að veita alls 100 milljónum króna árið 2008 til eflingar atvinnuþróunar og nýsköpunar á þeim svæðum sem verða fyrir aflasamdrætti vegna skerðingar þorskaflaheimilda. Styrkhæf svæði eru sveitarfélög og eyjar þar sem hlutfall starfa í veiðum og vinnslu er 10% eða hærra. Áformað er að í fjárlögum ársins 2009 verði 100 milljónir sem verður ráðstafað á sama hátt.Auglýst er eftir umsóknum um stuðning við verkefni á viðkomandi svæðum. Umsækjendur geta verið sveitarfélög, fyrirtæki og einstaklingar. Hámarksstyrkur er 8 milljónir króna, þó aldrei hærri en 50% af viðurkenndum heildarkostnaði verkefnisins. Hámarks hlutafé er 8 milljónir króna, þó að hámarki 50% af heildarhlutafé.

Styrkir verða veittir til: Stofnkostnaðar annars en kaupa/byggingar húsnæðis, véla og tækja. Þróunarkostnaðar á vöru og/eða þjónustu Markaðssetningar á vöru og/eða þjónustu.

Við afgreiðslu umsókna verður sérstaklega litið til langtímaáhrifa verkefna, sköpunar nýrra starfa á svæðunum og hversu hratt störfin geta orðið til. Ekki er um að ræða styrki/hlutafé til menntunar- og rannsóknarverkefna. Nánari upplýsingar um mat á umsóknum má finna hér. Umsóknum skal skila á sérstökum umsóknareyðublöðum sem hægt er að nálgast hér. Umsóknum skal skila fyrir 19. febrúar til atvinnuþróunarfélaga eða samtaka sveitarfélaga á viðkomandi svæði.

Samtök sveitarfélaga á Vesturlandi, Bjarnabraut 8, 310 Borgarnesi http://www.ssv.is/ sími: 437-1318
Atvinnuþróunarfélag Vestfjarða, Árnagötu 2-4, 400 Ísafjörður http://www.atvest.is/ sími: 450-3000
Samtök sveitarfélaga á Norðurlandi vestra, Höfðabraut 6, 530 Hvammstanga, http://www.ssnv.is/ sími 455-2510
Atvinnuþróunarfélag Eyjafjarðar, Skipagata 9, 600 Akureyri, http://www.afe.is/ sími: 460-5700
Atvinnuþróunarfélag Þingeyinga, Garðarsbraut 5, 640 Húsavík, http://www.atting.is/ sími: 464-0415
Þróunarfélag Austurlands, Miðvangi 2, 700 Egilsstöðum, http://www.austur.is/ sími: 471-2545
Atvinnuþróunarfélag Suðurlands, Austurvegi 56, 800 Selfoss, http://www.sudur.is/ sími: 480-8210
Samtök sveitarfélaga á Suðurnesjum, Iðavellir 12B, 230 Reykjanesbær http://www.sss.is sími 420-3288

Til baka í yfirlit