Atvinna í boði - Vestmannaeyjar

Þjónustuíbúðir stuðningsþjónusta Eyjahraun

Óskum eftir starfsfólki af báðum kynjum í félagslega liðveislu fyrir börn og fullorðna. Félagsleg liðveisla felur í sér persónulegan stuðning og aðstoð sem einkum miðar að því að rjúfa félagslega einangrun, s.s. stuðning til að stunda íþróttir/líkamsrækt, fara á menningartengda viðburði og annað félagsstarf. Um er að ræða hlutastarf, minnst 12-16 tímar í mánuði sem getur hentað vel sem aukastarf með námi eða öðru starfi. Einnig hægt að setja saman í stærra starfshlutfall.

Frekari liðveisla/heimaþjónusta – dagvinna

Óskum eftir starfsfólki af báðum kynjum til starfa í frekari liðveislu/heimaþjónustu. Starfið felur í sér aðstoð við fatlaða einstaklinga inn á heimili þeirra og við athafnir daglegs lífs, t.d. matarinnkaup ofl. Starfið krefst sjálfstæðra vinnubragða og samvinnuhæfni.

Hægt er að sækja bæði um starf í félagslegri og frekari liðveislu/heimaþjónustu og fá þá stærra starfshlutfall.

Umsóknarfrestur er til 1. október og má nálgast umsóknareyðublöð í þjónustuveri í Ráðhúsinu eða á heimasíðu Vestmannaeyjabæjar. Laun eru samkvæmt kjarasamningi Starfsmannafélags Vestmannaeyjabæjar (STAVEY) og Launanefndar sveitarfélaga. Nánari upplýsingar veitir Lára Dögg Konráðsdóttir á lara@vestmannaeyjar.is eða í síma 488-2000.

Til baka í yfirlit