Umhverfis og skipulagsráð Vestmannaeyja
Lóðarhafa hefur verið gert kunnugt um tillögur að uppfærðum skilmálum og hefur lagt fram drög að fyrirkomulagi byggingar við Strandveg 44 og bílakjallara.
Í maí 2026 voru kynntar nýjar leiðbeiningar m.a. fyrir viðmið um birtustundir í skipulagsgerð og ný ákvæði byggingarreglugerðar. Tillaga að breyttu deiliskipulagi og athugasemdir sem bárust á auglýsingartíma hafa verið metin út frá nýjum leiðbeiningum HMS.
Lögð eru fram viðbrögð ráðsins við athugasemdum sem bárust á auglýsingartíma.
Ráðið þakkar bréfriturum athugasemdir við auglýsinguna og hefur brugðist við þeim með meðfylgjandi greinargerð. Sem viðbrögð við athugasemdum er m.a. mögulegum íbúðum fækkað, dregið úr byggingarmagni, fjarlægð aukin milli Tangagötu 10 og Strandvegs 44 og skilmálum um hljóðstig vegna atvinnustarfsemi bætt inn. Heildaryfirlit yfir viðbrögð ráðsins við athugasemdum má sjá í meðfylgjandi greinargerð.
Breyting deiliskipulagsins frá auglýstri tillögu er til þess fallin að koma til móts við athugasemdir, draga úr og gera betur grein fyrir grenndaráhrifum. Ráðið felur lóðarhafa að uppfæra skipulagsgögn í samræmi við greinargerð og leiðbeiningar ráðsins um breytingar á byggingarreit ásamt nýjum skilmálum. Ráðið metur það sem svo að með umræddum breytingum sé komið til móts við athugasemdir með fullnægjandi hætti og tryggt að grenndaráhrif séu ásættanleg.
Íslenska ríkið er landeigandi Surtseyjar og fer Surtseyjarstofa með umsjón með eynni. Eyjan tilheyrir lögumdæmi Vestmannaeyjabæjar og fer Vestmannaeyjabær með skipulagsyfirvarld.
Forsætisráðuneytið og Náttúruverndarstofnun hafa veitt samþykki vegna framkvæmdarinnar fyrir sitt leyti.
Ákvæði varðandi samræmi við deiliskipulag og byggingarleyfi hefur verið gert skýrara og skilgreind hafa verið viðmið fyrir girðingar við bæjarland og umferarhorn.
Ráðið samþykkir uppfærðar reglur.
Erindi vísað til bæjarstjórnar.
Ráðið samþykkir fyrirlagða gjaldskrá vegna hunda- og kattahalds og vísar málinu til staðfestingar bæjarstjórnar.
Skráning dýra fer fram í íbúagátt á heimasíðu Vestmannaeyjabæjar.
Starfsmenn umhverfis- og framkvæmdasviðs hafa fundað með fulltrúum dýravinafélags Vestmannaeyja um stöðu mála vegna rannsóknarvinnu og jarðrasks við hundasvæðið. Auk þess sem ráðinu hafa borist athugasemdir vegna stöðunnar. Í dag eru 71 hundur og 15 kettir skráðir í sveitarfélaginu.
Ráðið ítrekar mikilvægi þess að útivistarsvæði fyrir hunda sé aðgengilegt og öruggt fyrir bæði hunda og eigendur þeirra. Á hundasvæðinu er afgirt hundagerði. Ráðið minnir einnig á að hundar eru ávallt á ábyrgð eigenda sinna.
Mikilvægt er að huga að nýrri framtíðarstaðsetningu hundasvæðisins muni jarðrask og efnisvinnsla á svæðinu verða umfangsmeiri og til frambúðar.
Ráðið felur starfsmönnum framgang málsins þar sem m.a. möguleg framtíðarstaðsetning hundasvæðis verði skoðuð og lögð fyrir ráðið.
Ráðið beinir hvatningu til bæjarbúa að skrá hunda- og/eða ketti sína til sveitarfélagsins. Tekjur sveitarfélagsins af gjöldum vegna dýrahalds gera sveitarfélaginu kleift að bæta aðstöðu og utanumhald vegna dýrahalds.
Ráðið staðfestir fundargerðina.