337. fundur

7. maí 2026 kl. 14:30 - 14:30

í fundarsal Ráðhúss

Nefndarmenn

Starfsmenn

Arnar Richardsson. aðalmaður

Dóra Björk Gunnarsdóttir starfsmaður

Erlingur Guðbjörnsson. formaður

Hannes Kristinn Sigurðsson. varaformaður

Helga Jóhanna Harðardóttir. aðalmaður

Ragnheiður Sveinþórsdóttir. aðalmaður

Dagskrá

1.

Fyrirspurn um svæði fyrir gám með aðgengi að rafmagni og vatni

Málsnúmer 202512110

Hafnarstjóri fer yfir drög að leigusamning við útgerðina Blíðu ehf.

Ráðið samþykkir og felur hafnarstjóra að undirrita meðfylgjandi samning við Blíðu ehf.

2.

Hafnarreglugerð fyrir Vestmannaeyjahöfn

Málsnúmer 201207031

Hafnarstjóri skilaði inn til Innviðaráðuneytis drögum að breyttri Hafnarreglugerð Vestmannaeyjahafnar 10. júlí 2025. Þar sem litlar ábendingar hafa borist óskar hafnarstjóri eftir samþykki ráðsins til að skila inn meðfylgjandi breytingum á Hafnarreglugerð Vestmannaeyjahafnar til samþykktar ráðuneytisins. Töluverðar breytingar eru á hafnarsvæðum Vestmannaeyjahafnar í þessari reglugerð sem unnin hefur verið samkvæmt breytingu á hafnarlögum sem gerð voru 2024. Lokafrestur til skila á breytingum á reglugerð er í lok árs 2026.

Hafnarstjóra falið að skila endurskoðaðri Hafnarreglugerð Vestmannaeyjahafnar til Innviðaráðuneytisins.

3.

Seatrade Global - Cruise Iceland

Málsnúmer 202511011

Gísli Valur Gíslason kom inn á fundinn undir máli 3 og 4.
Hafnarstjóri og yfirhafnsögumaður fóru yfir minnisblað sem fulltrúar Vestmannaeyjahafnar tóku saman fyrir ráðið.

Ráðið telur mikilvægt að halda áfram að kynna höfnina og skapa tengsl við viðskiptavini hennar. Ljóst er að mikill áhugi er hjá stærri skipafélögunum sem styður við framkvæmd á fyrirhuguðum stórskipakanti og mun skapa tækifæri fyrir Vestmannaeyjahöfn og samfélagið í heild til framtíðar.

4.

Vinnubátur lítill dráttarbátur

Málsnúmer 202602019

Eins og fram kom í tölvupósti frá hafnarstjóri frá 25. apríl sl. er nýi bátur hafnarinnar kominn til heimahafnar. Það tók lengri tíma en áætlað var að koma bátnum frá St. John´s til Argencia þaðan sem hann var fluttur heim m.a. sökum veðurs. Báturinn reyndist vel á siglingunni frá Reykjavík til Vestmannaeyja en núna í vikunni er stefnt að því að taka hann upp til að sinna viðhaldi og málun. Klassinn (BW) mun sinna öllum skoðunum. Starfsmenn Samgöngustofu stefna á að koma til Eyja eins fljótt og hægt er til að klára upphafsskoðun sem ekki var hægt að sinna í Reykjavík.

Ráðið þakkar kynninguna og felur hafnarstjóra að undirbúa vígsluathöfn sem fyrirhuguð er þann 14. maí 2026 kl. 13:00.

Drög að dagskrá:

Fulltrúar Vestmannaeyjabæjar gefa vinnubátnum nafnið Léttir.

Prestur Landakrikju blessar skip og áhöfn. Léttar veitingar á hafnarskrifstofunni.

Báturinn hafður til sýnis frá kl. 13:30 til kl. 15:00 og bæjarbúar hvattir til að mæta.

5.

Sumarið 2026

Málsnúmer 202605017

Í sumar eiga 100 skemmtiferðaskip bókað til Vestmannaeyja og er von á fyrsta skipinu þann 18. maí. Af þeim skipum sem eiga bókað hjá okkur er áætlað að 71 leggist við bryggju og 29 verði á ankeri/drifti fyrir utan Eyjar og um borð verði 50.037 farþegar. Árið 2025 tókum við á móti 79 skipum og fengum hingað 30.597 farþega
Herjólfur hefur tilkynnt að hann muni sigla 8 ferðir til Landeyjahafnar á dag í júní, júlí og ágúst.
Það sem af er ári höfum við tekið á móti 60 skipum sem sæta hafnarvernd samanborið við 54 skip á sama tíma í fyrra og 53 árið 2024. Skýrast þessi auknu umsvif af loðnuveiðum sem og auknum umsvifum hjá Laxey.
Sökum þessa miklu umsvifa verða gerðar smávægilegar breytingar á mannahaldi í sumar sem rúmast innan áætlunar.

Ráðið þakkar kynninguna

6.

Vigtartorg - Svið

Málsnúmer 202509117

Brynjar Ólafsson sviðsstjóri kom inn á fundinn.
Sviðsstjóri kynnti drög að hönnun og útliti á sviði við Vigtartorg.

Ráðið þakkar kynninguna.

7.

Gatnagerð - Sólhlíð

Málsnúmer 202601130

Fyrir liggja verkfundargerðir nr. 3 frá 26. mars, nr. 4 frá 13. apríl og nr. 5 frá 21. apríl vegna gatnaframkvæmda í Sólhlíð.

Ráðið samþykkir fyrirliggjandi verkfundagerðir

8.

Hásteinsvöllur

Málsnúmer 202211064

Sviðsstjóri fór yfir stöðu framkvæmda á Hásteinsvelli og framkvæmdaráætlun næstu mánuði.

Ráðið þakkar yfirferðina.

9.

Terra - breytingar á gjaldskrá og opnunartíma

Málsnúmer 202603030

Á fundi ráðsins nr. 334 var erindi frá Terra frestað og óskað eftir að fá bréfritara á næsta fund ráðsins. Lagt er til að málið verði tekið fyrir á fyrsta fundi nýs ráðs að loknum kosningum.

Ráðið samþykkir að fresta erindinu fram yfir kosningar og á fyrsta fund hjá nýju ráði.

Framkvæmdar- og hafnarráð Vestmannaeyja