Bæjarstjórn Vestmannaeyja
Íris Róbertsdóttir, bæjarstjóri flutti framsögu um fjárhagsáætlun Vestmannaeyjabæjar og stofnana hans fyrir árið 2027.
Bæjarstjóri fór yfir vinnulag við gerð fjárhagsáætlunar sem var unnin með sama hætti og áður. En ný reglugerð um fyrirkomulag á málaflokkum og breyting á forsendum innri leigu hefur þau áhrif að samanburður milli ára er erfiður. Bæjarstjórn hittist á tveimur fundum við undirbúning áætlunar til fyrri umræðu en þunginn af vinnunni er hjá bæjarráði og starfsfólki sveitarfélagsins.
Fram kom í framsögu bæjarstjóra að staða bæjarsjóðs Vestmannaeyja verði áfram traust, þrátt fyrir að sveitarfélög glími áfram við áskoranir í rekstri og fjármögnun lögbundinna verkefni. Gert er ráð fyrir jákvæðri afkomu í áætluninni, en tekjur eru varlega áætlaðar í þessari áætlun líkt og áður. Í fjárhagsáætluninni er gert ráð fyrir um 443 m.kr. rekstrarafkomu á A- hluta og um 610 m.kr. rekstrarafkomu samstæðunnar. Áætlunin mun taka einhverjum breytingum milli umræðna, m.a. vegna áætlana um framlög Jöfnunarsjóðs sem liggja ekki fyrir að öllu leyti, endanlegrar yfirferðar á gjaldfærðum verkefnum og óska um fjárframlög og viðbótarstöðugildi sem á eftir að taka afstöðu til.
Bæjarstjórn hefur samþykkt óbreytta útsvarsprósentu milli ára, 14,91% og álagsprósenta fasteignaskatts lækkar á íbúðarhúsnæði og atvinnuhúsnæði.
Mikilvægt er að stilla opinberum álögum í hóf til hagsbóta fyrir íbúa og fyrirtæki og í því skyni samþykkti bæjarstjórn í sumar 2,5% þak á gjaldskrárhækkanir í A-hluta.
Í fjárhagsáætluninni er sömuleiðis gripið til aðgerða til að bæta þjónustu sveitarfélagsins.
Við fyrri umræðu er gert ráð fyrir 1.100 m.kr. í fjárfestingar sem fjármagnaðar eru án lántöku. Bæjarstjórn mun fara yfir fjárfestingaráætlun næstu fjögurra ára á milli umræðna og uppfæra áætlun sveitarfélagsins. Bæjarstjóri mun fara yfir framkvæmdir sveitarfélagsins til næstu ára við seinni umræðu og fara yfir áhersluverkefni bæjarstjórnar.
Almannavarnalögnin NSL-4 var lögð út í ágúst en tjón á henni er enn til mats. Vestmannaeyjabær hefur fjármagnað lögnina þar sem ríkið hefur ekki viðurkennt ábyrgð sína. Greiði ríkið ekki kostnaðinn, 3 milljarða króna, líkt og við aðrar almannavarnir á Íslandi, skerðist framkvæmdageta bæjarins vegna lögbundinna verkefna verulega.
Áfram verður aðhalds og hagkvæmni gætt í rekstri sveitarfélagsins, en áhersla lögð á góða þjónustu við íbúa. Vestmannaeyjar verða áfram góður búsetukostur fyrir fjölskyldufólk.
Hildur Sólveig Sigurðardóttir (sign.)
Eyþór Harðarson (sign.)
Aníta Jóhannsdóttir (sign.)
Óskar Jósúason (sign.)
Trausti Hjaltason (sign.)
Anton Örn Björnsson (sign.)
Arndís María Kjartansdóttir (sign.)
Jóhann Ingi Óskarsson (sign.)
Jón Þór Guðjónsson (sign.)
Hildur Sólveig Sigurðardóttir, forsetibæjarstjórnar, bar upp lykiltölur í fjárhagsáætlun 2027
Fjárhagsáætlun Sveitarsjóðs Vestmannaeyja 2027:
Tekjur alls: kr. 7.503.388.000
Gjöld alls fyrir fjármagnsliði: kr. 7.147.433.000
Rekstrarniðurstaða, jákvæð: kr. 443.824.000
Veltufé frá rekstri: kr. 1.091.605.000
Afborganir langtímalána: kr. 0
Handbært fé í árslok: kr. 1.298.852.000
Fjárhagsáætlun B-hluta bæjarsjóðs Vestmannaeyja 2027:
Rekstrarniðurstaða Hafnarsjóðs: kr. 15.670.000
Rekstrarniðurstaða Vatnsveitu, tap: kr. -30.712.000
Rekstrarniðurstaða Fráveitu: kr. 177.934.000
Rekstrarniðurstaða Félagslegra íbúða: kr. 0
Rekstrarniðurstaða Náttúrustofu Suðurlands, tap: kr. -6.053.000
Rekstrarniðurstaða Eygló eignarhaldsfélags ehf.: kr. 0
Rekstrarniðurstaða Herjólfs ohf.: kr. 10.166.000
Veltufé frá rekstri: kr. 392.030.000
Afborganir langtímalána: kr. 10.038.000
Fjárhagsáætlun samstæðu Vestmannaeyja 2027:
Tekjur alls: kr. 11.177.993.000
Gjöld alls: kr. 10.663.324.000
Rekstrarniðurstaða, jákvæð: kr. 610.830.000
Veltufé frá rekstri: kr. 1.483.635.000
Afborganir langtímalána: kr. 10.038.000
Handbært fé í árslok: kr. 1.614.622.000
Samþykkt með níu samhljóða atkvæðum bæjarfulltrúa að vísa fjárhagsáætlun Vestmannaeyjavæjar 2027 til síðari umræðu.
Íris Róbertsdóttir bæjarstjóri gerði stuttlega grein fyrir þriggja ára fjárhagsáætlun Vestmannaeyjabæjar fyrir árin 2028 - 2030.
Við vinnslu þriggja ára fjárhagsáætlunar er stuðst við málaflokkayfirlit fjárhagsáætlunar næsta árs. Hver liður er uppreiknaður með sérstakri prósentuhækkun/lækkun eftir spám hverju sinni. Við það myndast nýr rekstrarreikningur þar sem tekið er tillit til breytinga á skatttekjum (útsvari og fasteignaskatti), framlögum, t.d. úr Jöfnunarsjóði sveitarfélaga, öðrum tekjum, launaþróun, breytingum á lífeyrisskuldbindingum, öðrum kostnaði og fjármagnsliðum. Við gerð efnahagsreiknings er jafnframt stuðst við fjárhagsáætlun næsta árs.
Að öðru leyti verður farið yfir þriggja ára fjárhagsáætlun 2028-2030 milli umræðna og hún lögð fyrir bæjarstjórn við seinni umræðu um fjárhagsáætlunina.
Við umræðu um þriggja ára fjárhagsáætlun tók til máls: Íris Róbertsdóttir
Samþykkt samhljóða með níu atkvæðum bæjarfulltrúa að vísa þriggja ára
fjárhagsáætlun Vestmannaeyjabæjar 2028-2030 til síðari umræðu.
Meðal annars var farið yfir;
Fund með þingmönnun Suðurkjördæmis
Hafnasambandsþing í Reykjanesbæ
Styttingu Hörgeyragarðs og dýpkun innsiglinar
Samgöngur- Landeyjahöfn og Herjólfur 3
Ályktun SASSársþings á Hvolsvelli
Gagnabeiðni vegna Pisa niðurstaða
Eitt ár frá fyrstu slátrun á laxi hjá Laxey
Sameiginleg bókun bæjarstjórnar
Bæjarstjórn Vestmannaeyja tekur undir ályktun ársþings SASS um að framganga ríkisstjórnarinnar gagnvart sveitarfélögum á Suðurlandi sé óásættanleg. Ekki verður unað við að um helmingur nýrra skatttekna ríkissjóðs komi af Suðurlandi á sama tíma og ríkisvaldið dregur úr fjárframlögum til mikilvægra innviða og þjónustu á svæðinu.
Í frumvarpi til fjárlaga eru jafnframt boðaðar skerðingar á fjárframlögum til reksturs Herjólfs ohf sem er ekkert annað en skilaboð um skertar samgöngur milli lands og Eyja. Á sama tíma eru íbúar og atvinnulíf í Vestmannaeyjum látnir bera auknar byrðar meðal annars af áhrifum vegna hækkunar veiðigjalda og kílómetragjalds.
Hildur Sólveig Sigurðardóttir (sign.)
Eyþór Harðarson (sign.)
Aníta Jóhannsdóttir (sign.)
Óskar Jósúason (sign.)
Trausti Hjaltason (sign.)
Anton Örn Björnsson (sign.)
Arndís María Kjartansdóttir (sign.)
Jóhann Ingi Óskarsson (sign.)
Jón Þór Guðjónsson (sign.)
Sameiginleg bókun bæjarstjórnar
Bæjarstjórn Vestmannaeyja telur afar jákvætt að hafnar séu framkvæmdir vegna styttingar Hörgeyrargarðs. Markmið styttingar Hörgeyrargarðs er að skapa öruggari og greiðari innsiglingu fyrir skip sem sækja höfnina okkar.
Vestmannaeyjahöfn hefur alla tíð verið hjarta samfélagsins sem skapar verðmæti sem byggt hafa upp bæinn okkar, skapað störf og tryggt afkomu Eyjamanna. Þess vegna eigum við að leggja áherslu á að höfnin sé á hverjum tíma eins örugg og hagkvæm og kostur er.
Hildur Sólveig Sigurðardóttir (sign.)
Eyþór Harðarson (sign.)
Aníta Jóhannsdóttir (sign.)
Óskar Jósúason (sign.)
Trausti Hjaltason (sign.)
Anton Örn Björnsson (sign.)
Arndís María Kjartansdóttir (sign.)
Jóhann Ingi Óskarsson (sign.)
Jón Þór Guðjónsson (sign.)
Tillaga er um að fundur bæjarstjórnar sem er samkvæmt samþykktri fundadagskrá 7. júlí 2027 verði færður fram til 1. júlí 2027.
Um er að ræða samþykki á tillögu um breytt deiliskipulag.
Liður 2, Umsókn um framkvæmdaleyfi - Stytting Hörgaeyrargarðs og flutningur á efni, liggur fyrir til umræðu.
Liðir 3-10 liggja fyrir til upplýsinga.
Liðir 2-5 liggja fyrir til upplýsinga.
Liður 17, Viðaukar við fjárhagsáætlun 2026, liggur fyrir til staðfestingar. Um er að ræða viðauka 11 að fjárhæð 6 m.kr. vegna hlutafjáraukningar í Eyjagöngum.
Allir liðir í fundargerðinni lágu fyrir til upplýsinga og umræðu.
Liður 4 samþykktur með samhljóða atkvæðum bæjarfulltrúa.