Bæjarráð Vestmannaeyja
3259. fundur
6. maí 2026
kl.
12:00
-
14:00
Í Ráðhúsinu
Nefndarmenn
Starfsmenn
Drífa Gunnarsdóttir
ritari
Eyþór Harðarson.
aðalmaður
Helga Jóhanna Harðardóttir.
varamaður
Íris Róbertsdóttir
bæjarstjóri
Jóna Sigríður Guðmundsdóttir.
varaformaður
Dagskrá
1.
Umræða um samgöngumál
Komin er tímasetning á íbúafund vegna samgöngumála. Verður hann haldinn 20. maí nk. í Höllinni. Innviðaráðherra hefur staðfest komu sína en honum var boðið á fundinn ásamt formönnum allra þinglokka, fulltrúum Vegagerðarinnar, umhverfis- og samgöngunefndar og þingmönnum kjördæmisins.
Siglingar eru hafnar í Landeyjahöfn en nýlegar mælingar sýna að hægt er að sigla við bestu aðstæður. Vegagerðin bindur vonir við að dýpkun í höfninni klárist á næstu dögum og hægt verði að hefja reglulegar siglingar að því loknu.
Samkvæmt upplýsingum Norlandair hefur nýting á fluginu verið mjög góð og oft eru biðlistar enda eingöngu um níu sæta vélar að ræða. Reynslan sýnir að fjölga þarf sætum, auka tíðni flugs og lengja tímabilið á þessu ríkisstyrkta áælunarflugi.
Bæjarráð þakkar yfirferðina og hvetur bæjarbúa til að mæta á íbúafundinn þann 20. maí enda um eitt stærsta hagsmunamál samfélagsins að ræða.
Þessi vetur hefur verið sérstaklega erfiður og reynt mikið á samgöngurnar sem hefur haft mikil áhrif á íbúa og atvinnulíf. Tillögur að breytingum á höfninni eru væntanlegar frá dönsku straumfræðistofnunni innan fárra vikna og mikilvægt er að við Eyjamenn komum þeim skilaboðum skýrt á framfæri við ráðamenn á íbúafundinum að tryggja þurfi fjármagn í verkefnið og ljúka við framkvæmd Landeyjahafnar strax.
2.
Tjón á neysluvatnslögn NSL3
Fyrirtaka í máli Vestmannaeyjabæjar gegn Vinnslustöð Vestmannaeyja vegna tjóns á vatnslögninni NSL-3 var í héraðsdómi Suðurlands þann 21. apríl sl. Vitnaleiðslur verða 12. maí og málflutningurinn 13. maí. Áætlað er að dómur liggi fyrir síðari hluta júní.
3.
Umræða um heilbrigðismál
Forstjóri HSU fundað með bæjarráði mánudaginn 4. maí sl. þar sem farið var yfir ýmiss mál varðandi starfsstöðvarnar í Eyjum.
Farið var yfir stöðu og verkefni varðandi heilbrigðisþjónustu á heilsugæslu og sjúkradeild, þar á meðal mönnun og mannauðsmál.
Farið var yfir stöðu og áframhaldandi umbætur í þjónustu á Hraunbúðum og húsnæðisáskoranir ræddar.
Þá var farið yfir stöðu geðheilbrigðisþjónustu og biðlista og áform um að sækja um fjárveitingar til eflingar þjónustu fyrir börn og ungmenni.
Bæjarráð þakkar forstjóra HSU fyrir fundinn og leggur áherslu á að grunnþjónusta í heilbrigðismálum sveitarfélagsins sé alltaf tryggð.
4.
Fjárfestingar 2022-2026
Bæjarstjóri fór yfir minnisblað helstu fjárfestingar kjörtímabilsins og þær fjárfestingar sem komnar eru í farveg.
Bæjarráð þakkar
yfirferðina.
5.
Sala á íbúð 3c í Foldahrauni 42
Foldahraun 42 3C var sett í söluferli hjá þremur fasteignasölum og var tilboðsfrestur til kl. 16:00 þann 30. apríl sl. Ekki bárust tilboð í eignina innan tilboðsfrests.
Bæjarráð samþykkir að
halda eigninni á söluskrá hjá fasteignasölunum. Komi tilboð í eignina mun
bæjarráð taka afstöðu til þess á næsta fundi ráðsins eftir að tilboð berst.
6.
Umbætur til hagræðingar
Framhald af 9. máli 3258. fundar bæjarráðs. Farið yfir tillögur stýrihóps umhverfis- og framkvæmdasviðs. Enn er verið að kostnaðarreikna tillögur stjórnsýslu- og fjármálasviðs og fjölskyldusviðs.
Bæjarráð þakkar stýrihópnum vinnuna. Stýrihópnum er falið að kostnaðarmeta þær tillögur sem ráðið telur fýsilegt að skoða frekar og skila til bæjarráðs.
7.
Erindi frá Eyjatours, ósk um framlengingu á leigu og rekstri vegna Herjólfsbæjar
Eyjatours ehf. óskar eftir að framlengja samning um umsjón og rekstur Herjólfsbæjar til tveggja ára en það er í samræmi við núgildandi samning og viðauka.
Bæjarráð samþykkir samhljóða að framlengja samninginn.
8.
Fundargerðir til kynningar 2026
Fundargerðir samtaka, nefnda og ráða lagðar fram til kynningar.