Í dag er Goslokahátíðin orðin fastur liður í menningarlífi Vestmannaeyja – lífleg fjölskylduhátíð með fjölbreyttri dagskrá sem höfðar til allra aldurshópa. Boðið er upp á tónleika, listasýningar, ratleiki, fræðsluviðburði, markaði og ýmsa viðburði sem endurspegla sögu, menningu og lífsgleði Eyjamanna.
Hátíðin er sérstaklega kær fyrir heimafólk, en margir Eyjamenn sem flutt hafa burt nýta tækifærið og snúa heim til að fagna og rifja upp minningar með fjölskyldu og vinum. Þá er hátíðin líka sífellt vinsælli á meðal gesta sem vilja kynnast sögunni og upplifa einstaka stemningu í Vestmannaeyjum.
Goslokahátíðin sameinar minningu og von – og minnir á styrk samfélags sem stendur saman þegar mest reynir.
Hér til hliðar má sjá facebooksíðu Goslokahátíðarinnar en þar er dagskráin birt ásamt öðrum gagnlegum upplýsingum.