Óskað er eftir starfsmanni á heimili fyrir fatlað fólk
Hlutverk Þjónustukjarnans er að veita íbúum stuðning og leiðsögn í öllu er varðar persónulega hagi og heimilisrekstur svo sem þrifnað, þvott, matreiðslu, innkaup og annað samkvæmt starfslýsingu.
Einnig skal þeim veittur stuðningur í tómstundastarfi og fá fylgd s.s. til lækna, í klippingu o.s.frv.
Um er að ræða tímabundna afleysingu í 70% starfshlutfalli frá 1. maí 2024 – 1. janúar 2025 og tímabundna afleysingu í 50% starfshlutfalli frá 1. júní 2024 – 1. desember 2024 sem Starfsmaður á heimili fyrir fatlað fólk. Unnið er á sólarhringsvöktum alla virka daga, á kvöldin og um helgar.
Helstu verkefni:
Starfsmaður sér um almenna umönnun skjólstæðinga vegna líkamlegra og félagslegra þarfa eftir því sem við á. Önnur verkefni eru heimilisstörf s.s. þvottar, þrif, matargerð o.fl.
Hæfniskröfur:
• Reynsla og áhugi á að vinna með fötluðu fólki er kostur.
• Góð samskiptafærni og þjónustulund.
• Frumkvæði og samviskusemi.
Upplýsingar um starfið veitir Ingibjörg Ósk Þórðardóttir forstöðukona í síma 488 2550/8669480, ingibjorgosk@vestmannaeyjar.is. Öllum umsóknum verður svarað.
Viðkomandi þarf að hafa hreint sakavottorð. Laun eru greidd samkvæmt gildandi kjarasamningi Sambands íslenskra sveitarfélaga og Stavey/Drífanda.
Umsækjandi þarf að hafa náð 18. ára aldri.
Umsóknir skulu berast með rafrænum hætti í gegnum heimasíðu Vestmannaeyjabæjar eða með tölvupósti á forstöðumann. Slóðin á umsóknar hnappinn er: https://www.vestmannaeyjar.is/thatttaka/umsoknir/
Hvatning er til allra áhugasama einstaklinga, óháð kyni, til að sækja um starfið skv. lögum um jafna stöðu og jafnan rétt kynjanna nr 150/2020.
Umsóknarfrestur: Til og með 26. apríl 2024