Ný tækni ölduvirkjana-viljayfirlýsing undirrituð
Íris Róbertsdóttir, bæjarstjóri og Eyvar Örn Geirsson, framkvæmdastjóri Haf-Afls undirrituðu þann 30. apríl sl. viljayfirlýsingu fyrir hönd Vestmannaeyjabæjar og Haf-Afls sem lýtur að því að kanna forsendur og hagkvæmni fyrir uppsetningu ölduvirkjana við Vestmannaeyjar.
Um er að ræða nýja tækni þar sem tilgangurinn er að tryggja samfélögum raforkuöryggi með ábyrgri nýtingu auðlindarinnar, verndun náttúrunnar, nýsköpun og uppbyggingu atvinnulífs að leiðarljósi.