Laus staða deildarstjóra í Hamarsskóla
Haustið 2024 mun Grunnskóli Vestmannaeyja skiptast í tvær sjálfstæðar einingar, Barnaskóla og Hamarsskóla. Óskað er eftir deildarstjóra í Hamarsskóla sem mun þá starfa undir skólastjóra Hamarsskóla og vera þátttakandi í stjórnendateymi þvert á báða skóla sem skólaskrifstofan leiðir.
Í skólastarfinu er lögð áhersla á líðan nemenda, fjölbreytta kennsluhætti, skapandi starf og góðan námsárangur en jafnframt er sérstök áhersla á þróunarverkefnið Kveikjum neistann.
Helstu verkefni:
• Er þátttakandi í stjórnunarteymi skólans og leiðandi í faglegri umræðu.
• Sinnir ráðgjöf til kennara, foreldra og nemenda.
• Ber ábyrgð á og hefur eftirlit með skólastarfi á sínu skólastigi.
• Kemur að skipulagi skólastarfs í samvinnu við skólastjóra.
• Vinnur með og í samráði við skólastjóra, kennara og sérfræðingateymi skólans að lausn agavandamála og annarra persónulegra mála einstakra nemenda eða hópa nemenda.
• Heldur utan um og skráir forföll starfsmanna.
Hæfniskröfur:
• Leyfi til að nota starfsheitið grunnskólakennari.
• Stjórnunarreynsla er kostur.
• Samstarfshæfni og góð færni í mannlegum samskiptum er mikilvæg.
• Frumkvæði, sjálfstæði og skipulögð vinnubrögð.
• Metnaður í starfi og áhugi á þróunarverkefninu Kveikjum neistann.
• Þekking á skipulagi skólastarfs í Hamarsskóla er kostur.
Starfsmaður þarf að geta hafið störf 1. ágúst.
Umsókn skal fylgja ítarleg ferilskrá og leyfisbréf auk kynningarbréfs þar sem gerð er grein fyrir ástæðu umsóknar og hæfni í starfið.
Laun eru greidd samkvæmt kjarasamningi Sambands íslenskra sveitarfélaga og KÍ.
Umsóknarfrestur er til 26. apríl nk. Umsóknir skulu berast með tölvupósti á annaros@grv.is.
Nánari upplýsingar um starfið veitir Anna Rós Hallgrímsdóttir skólastjóri, annaros@grv.is eða S:4882202.
Hvatning er til allra áhugasamra einstaklinga, óháð kyni, til að sækja um starfið skv. lögum um jafna stöðu og jafnan rétt kynjanna nr. 15/2020
Öllum umsóknum verður svarað þegar tekin hefur verið ákvörðun um ráðningu.