Fundargerð ritaði: Angantýr Einarsson, framkvæmdastjóri stjórnsýslu- og fjármálasviðs
Dagskrá:
Almenn erindi
1. 201212068 - Umræða um samgöngumál
Bæjarráð hélt aukafund til þess að ræða stöðu samningaviðræðna við Vegagerðina um rekstur Herjólfs ohf.
Á fundinn mættu fulltrúar samningnefndar Herjólfs, þeir Arnar Pétursson, Guðlaugur Friðþórsson og Páll Guðmundsson, ásamt framkvæmdastjóra Herjólfs, Guðbjarti Ellerti Jónssyni.
Jafnframt komu á fundinn bæjarfulltrúarnir Hildur Sólveig Sigurðardóttir og Trausti Hjaltason.
Haldnir hafa verið fimm fundir í samninganefndinni.
Í ljósi eðli viðræðnanna er niðurstaða þessa fundar bókuð í sérstaka fundargerð trúnaðarmála. Upplýst verður um viðræðurnar þegar niðurstaða liggur fyrir.
Lykilatriði í samningum um rekstur Herjólfs er að tryggja þá þjónustu sem íbúar í Vestmannaeyjum búa við í dag m.a. ferðatíðni og opnunartíma þjóðvegarins.