Fundargerð ritaði: Ólafur Þór Snorrason, framkvæmdastjóri umhverfis- og framkvæmdasviðs
Dagskrá:
Almenn erindi
1. 202009093 - Botn vegagerð 2020
Fyrir liggja drög að gatnagerð í Botni Friðarhafnar en vegna fyrirhugaðra byggingarframkvæmda þarf að færa minnismerkið um Varðskipið Þór og hefur undirbúningur að því farið fram. Finna þarf minnismerkinu annan stað sem sómi er að.
Niðurstaða Ráðið felur starfsmönnum að færa minnismerkið, en samkvæmt deiliskipulagi er gert ráð fyrir staðsetningu þess við suðurenda svæðisins.
Óskað var eftir verðtilboðum í gatnagerð í Áshamri skv samþykktu deiliskipulagi. Gröfuþjónusta Brinks kr. 59.891.561. HS vélaverk kr. 73.252.290. Í útsendum gögnum var gert ráð fyrir að verkinu yrði skipt í verkþætti eftir framgangi nýbygginga á svæðinu. Gera má ráð fyrir að 1. verkhluti muni kosta um 26 milljónir miðað við fyrirséðar framkvæmdir.
Niðurstaða Ráðið felur framkvæmdastjóra að ganga til samninga við Gröfuþjónustu Brinks á grundvelli fyrirliggjandi tilboðs. Ekki var gert ráð fyrir fjármagni í gatnagerð við Áshamar á yfirstandandi fjárhagsári og óskar ráðið eftir því við Bæjarráð að veitt verði aukafjárveiting í verkið að upphæð 26 milljónir króna á árinu 2020.
Fyrir liggur að mögulegt er að bæta við byggingarlóðum á Eiði með því að nýta það svæði sem verið hefur undir hliðarfærslur upptökumannvirkja. Til að slíkt sé gerlegt þarf að breyta deiliskipulagi á svæðinu.
Niðurstaða Ráðið samþykkir að fara fram á við Umhverfis- og skipulagsráð að gera breytingar á deiliskipulagi sem miða meðal annars að því að nýta landssvæði hliðarfærslu upptökumannvirkja sem byggingarreiti.
4. 202009063 - Mengunaróhapp í Vestmannaeyjahöfn
Þann 19.ágúst sl. varð mengunaróhapp í Vestmannaeyjahöfn þegar olía rann í sjóinn frá Fiskimjölsverksmiðju Ísfélagsins og annað mengunarslys varð þegar olía lak frá Akranesi 2 sem lá sunnan á Nausthamarsbryggju. Farið var yfir verklag og ástæður mengunaróhappanna.
Niðurstaða Ráðið þakkar veittar upplýsingar og leggur áherslu á að mengunarvarnabúnaður sé sífellt í lagi og til taks. Einnig hvetur ráðið notendur Vestmannaeyjahafnar til að sýna fyllstu aðgát svo koma megi í veg fyrir slys af þessu tagi.
5. 201606072 - Olíubryggjur smábáta
Framkvæmdastjóri greindi frá fundi sem starfmenn áttu með fulltrúum olíufélaganna vegna ákvörðunar Framkvæmda- og hafnarráðs að öll olíuafgreiðsla smábáta skuli vera á einum stað á hafnarsvæðinu. Einnig hefur málið verið rætt við fulltrúa Farsæls, félags smábátaeigenda í Vestmannaeyjum.
Niðurstaða Ráðið felur starfsmönnum framgang málsins í samráði við olíufélögin og leggja fram mótaðar tillögur á næsta fundi.
6. 202007025 - Hafnasambandsþing 2020
Á fundi stjórnar Hafnasambands Íslands 24.ágúst sl. var ákveðið að fresta fyrirhuguðu Hafnasambandsþingi sem vera átti 24-25.sept. Nánar verður fjallað um framhaldið á stjórnarfundi Hafnasambandsins sem er á dagskrá í lok September.
7. 201801075 - Mat á umhverfisáhrifum sorpbrennslu
Kynningarfundur vegna mats á umhverfisáhrifum sorporkustöðvar var haldinn fimmtudaginn 17.september sl. en fundurinn var einn þáttur í kynningarferli umhverfismats en frestur til athugasemda rennur út 9.október nk.
Niðurstaða Ráðið mun kynna þær athugasemdir sem kunna að berast eftir að tímafresti lýkur.