Útleiga á líkamsræktarsal Íþróttamiðstöðvar
Vestmannaeyjabær sem leigusali óskar eftir tilboðum í leigu á húsnæðisaðstöðu líkamsræktarsals sem tengdur er við sundlaug Íþróttamiðstöðvar, frá og með 1. júní 2021.
Eftirfarandi skilyrði eru gerð til tilboðsgjafa:
· reynsla af og þekking á rekstri líkamsræktar
· vera með árskort á sanngjörnu verði (annars vegar almennt árskort og hins vegar árskort fyrir aldraða og öryrkja).
· að einstaklingar sem kaupa árskort í líkamsrækt greiði aðgang að sundi skv. gjaldskrá Íþróttamiðstöðvar.
· bjóða upp á tæki og tól frá viðurkenndum aðilum
· bera alla ábyrgð, hafa gott eftirlit, umsjón og þrif á starfsaðstöðu
· geta sýnt fram á tryggan rekstur með framvísun viðurkenndra ársreikninga. Auk þess gerir leigusali áskilnað um tryggingar fyrir leigugreiðslum
· undirriti leigusamning sem gildir í 3 ár
Innifalið í tilboði skal vera:
· tilboð í leigu á sal (131,6 fm)
· uppgefið verð á árskortum og breytingu á þeim á milli ára
· tilboð í umsýslukostnað vegna sölu árskorta
Við úrvinnslu og mat tilboðsgagna verður haft til hliðsjónar lög um opinber innkaup.
Rekstur líkamsræktar í umræddri aðstöðu ábyrgð og eftirlit auk umsjónar og þrifar er sjálfstæður rekstur og að öllu leiti aðskilinn rekstri Vestmannaeyjabæjar.
Tilboðsfrestur er til kl. 12:00 þann 11. janúar 2021. Tilboð verða opnuð í fundarsal Ráðhússins kl. 14:00 sama dag.
Tilboðum skal skilað í afgreiðslu Ráðhússins merkt „Tilboð í leigu á húsnæðisaðstöðu Íþróttamiðstöðvar“.
Nánari upplýsingar veitir Jón Pétursson, framkvæmdastjóri fjölskyldu- og fræðslusviðs Vestmannaeyjabæjar í síma 488 2000 eða jonp@vestmannaeyjar.is