Út í sumarið 2
Félagsmálaráðuneytið hefur samþykkt umsókn Vestmannaeyjabæjar um fjárframlag vegna sérstakra viðbótarverkefna í félagsstarfi fullorðinna fyrir árið 2021.
Vestmannaeyjabær stefnir að fjölbreyttri dagsskrá í sumar fyrir eldri borgara frá júní og fram í september. Boðið verður upp á ferðir innanbæjar og dagsferðir á fastalandið. Útijóga, söngskemmtanir, bingó og samverustundir verða einnig á dagsskrá svo fátt eitt sé nefnt.
Verkefnið verður unnið í samstarfi við Félag eldri borgara í Vestmannaeyjum líkt og s.l sumar. Samhliða verður farið af stað með verkefnið “Spjaldtölvukennsla fyrir eldri borgara” sem Kiwanis eru styrktaraðilar að. Nánara fyrirkomulag á “Út í sumarið 2” verður kynnt þegar nær dregur og að sjálfsögðu verður tekið mið af samkomutakmörkunum varðandi nánari útfærslur.