Skipulags- og umhverfisfulltrúi
Ákveðið hefur verið að ráða Dagnýju Hauksdóttur í stöðu Skipulags- og umhverfisfulltrúa en umsóknarfrestur rann út 11. maí sl.
Samkvæmt auglýsingunni hefur skipulags – og umhverfisfulltrúi m.a. yfirumsjón með skipulags-, umhverfis- og náttúruverndarmálum sveitarfélagsins, þjónustu við íbúa og ráðgjöf fyrir bæjarstjórn, fagráð og nefndir sem fara með þau mál. Skipulags- og umhverfisfulltrúi er starfsmaður umhverfis- og framkvæmdasviðs og lýtur stjórn framkvæmdastjóra.
Skipulags- og umhverfisfulltrúi starfar og stjórnar í samræmi við lög og reglugerðir sem gilda um skipulags- og umhverfismál sveitarfélaga. Einnig eftir lögum er varða opinbera þjónustu og stjórnsýslu, samkvæmt markmiðum sveitarstjórnar og í samræmi við fjárhagsáætlun Vestmannaeyjabæjar á hverjum tíma.
Dagný hefur lokið PhD námi í verkfræði við DTU í Danmörku og verður góð viðbót við góðan hóp starfsfólks Vestmannaeyjabæjar. Dagný mun hefja störf fljótlega.