Lagfæringar á gönguleið í Dalfjalli
Vinna við lagfæringu á gönguleiðinni á Dalfjall stendur nú yfir. Verkefnið er styrkt af Framkvæmdasjóði ferðamannastaða en framkvæmdir eru í höndum Vestmannaeyjabæjar og sjálfboðaliða.
Markmið verkefnisins er að koma fyrir varanlegum lausnum á afar fjöl förnum stíg þar sem aðstæður eru krefjandi vegna bratta í landi. Markmiðið er að koma fyrir lausnum sem stuðla að náttúruvernd með því að stýra umferð fólks á skýran hátt á þessari skemmtilegu og vinsælu gönguleið.
- Lagðar verða Ecoraster umhverfisvænar grindur í stíginn þar álagið er mikið og bratti er ekki of mikill.
- Byggðar verða timbur tröppur þar sem mestur bratti er á leiðinni
- Lagðar verða drenrásir þvert á göngustíginn
- Komið verður fyrir bekkjum við áningarstaði
Heimaslod.is
Dalfjall er um 150 metra hátt fjall sem stendur norður og vestur af Herjólfsdal og dregur fjallið nafn sitt af því. Það gengur frá austri til vesturs og myndar nokkurs konar skál um norðurhlið dalsins. Vestasti hluti fjallsins kemur saman í hnjúk að nafni Blátindur. Austast í fjallinu er lítið gil aðgreinir Dalfjall frá Molda að sunnan. Efsti partur Dalfjalls að norðan kallast Eggjar en þar fyrir neðan er Saltaberg sunnan megin og Ufsaberg norðan megin.
Umhverfis-og framkvæmdasvið.
