6. júlí 2022

Grunnskóli Vestmannaeyja – Lausar stöður

Í Grunnskóla Vestmannaeyja eru rúmlega 500 nemendur og er skólinn starfræktur á tveimur starfsstöðvum, annars vegar í Barnaskóla v/Skólaveg og hins vegar í Hamarsskóla v/Bessahraun.

Við Grunnskóla Vestmannaeyja eru lausar eftirfarandi stöður skólaárið 2022-2023:

Smíðakennari á mið – og unglingastigi 90-100%

Viðkomandi þarf að hafa leyfisbréf til kennslu, vera metnaðarfullur, ábyrgur, áhugasamur, lipur í samskiptum og tilbúinn í öflugt samstarf. Hafa velferð og þroska nemenda að leiðarljósi.

Viðkomandi þarf að hafa hreint sakavottorð.

Við leitum af starfsmanni sem er tilbúinn til að gera þetta að framtíðastarfi.

Möguleiki er á undanþágu fyrir iðnmenntaðan einstakling sem hefur áhuga og hæfni til að gegna starfinu og með áhuga á að sækja sér kennaramenntun í greininni.

Umsókn skal fylgja ítarleg ferilskrá og leyfisbréf auk kynningarbréfs þar sem gerð er grein fyrir ástæðu umsóknar og hæfni í starfið.

Launakjör eru greidd samkvæmt kjarasamningi KÍ og SÍS.

Starfsmaður þarf að geta hafið störf 15. ágúst n.k.


Skólaliði í Hamarsskóla 100 % starfshlutfall

Starf skólaliða felst m.a í aðstoð við nemendur í leik- og grunnskóla, gæslu og þrifum á skólahúsnæði.

Skólaliði í Barnaskóla 30% starfshlutfall

Staðan felur í sér að mestu leyti ræstingu í skólahúsnæðinu eftir að skóla lýkur og gæslu á göngum í lok skóladags. Starfshlutfall er um 30%, vinnutími er: Mánudagar og þriðjudagar frá: 14:00-16:00, miðvikudagar og fimmtudagar frá: 13:30-16:00 og föstudagar frá: 13:00-15:00.

Áhugi og reynsla á að vinna með börnum og reynsla við ræstingarstörf er kostur. Hreint sakavottorð er skilyrði.

Launakjör eru samkvæmt kjarasamningi Sambands íslenskra sveitarfélaga og Starfsmannafélags Vestmannaeyja (Stavey) eða Drífanda stéttarfélags.


Nánari upplýsingar um starfið veitir Anna Rós Hallgrímsdóttir skólastjóri í síma 488 2202, annaros@grv.is.  

Hvatning er til allra áhugasamra einstaklinga, óháð kyni, til að sækja um starfið skv. lögum um jafna stöðu og jafnan rétt kynjanna nr. 15/2020

Umsóknir skulu berast með rafrænum hætti í gegnum heimasíðu Vestmannaeyjabæjar eða með tölvupósti á annaros@grv.is.

Öllum umsóknum verður svarað þegar tekin hefur verið ákvörðun um ráðningu.

Umsóknarfrestur er til 15. júlí nk.