29.ágúst 2019 - 11:07

Hafnarvörður Vestmannaeyjahöfn

Vestmannaeyjahöfn auglýsir eftir hafnarvörðum í fullt starf. Unnið er á dag- og kvöldvöktum og starfinu fylgir einnig töluverð aukavinna.  
 
Viðkomandi þarf að geta hafið störf þann 1. október.
 
 

Hafnarvörður sinnir hafnarvörslu, vigtun sjávarafla, hafnarvernd, ásamt almennum viðhaldsverkefnum hafnarinnar. Hann sinnir einnig öðrum þeim verkefnum sem yfirmaður felur honum. Starfsmaður starfar undir verkstjórn yfirhafnsögumanns/skrifstofustjóra.

 


Hæfniskröfur:


· Viðkomandi þarf að vera ábyrgur, lipur í samskiptum, stundvís og hafa góða þjónustulund
· Sjálfstæð vinnubrögð og frumkvæði í starfi
· Þarf að hafa bílpróf
· enskukunnátta æskileg
· skipstjórnar- eða vélstjóramenntun æskileg

 

Launakjör eru samkvæmt kjarasamningi Sambands íslenskra sveitarfélaga og Starfsmannafélags Vestmannaeyja (Stavey) eða Drífanda stéttarfélags.

 

Umsóknareyðublöð má finna á heimasíðu Vestmannaeyjabæjar: http://www.vestmannaeyjar.is/…/f…/eydublod/atvinnuumsokn.pdf eða í þjónustuveri bæjarskrifstofu. Umsóknir skulu merktar Hafnarvörður og berast á bæjarskrifstofu á Bárustíg 15, 900 Vestmannaeyjar eða á netfangið postur@vestmannaeyjar.is.

 

Einnig er auglýst eftir hafnarverði í afleysingar um óákveðinn tíma. Viðkomandi þarf að geta hafið störf sem fyrst.

 

Umsóknarfrestur er til 4. September. Öllum umsóknum verður svarað.
Nánari upplýsingar veitir Andrés Sigurðsson í síma 6913300
Vestmannaeyjabær hvetur jafnt konur sem karla til að sækja um starfið.

Vestmannaeyjabær | Ráðhúsinu | Bárustíg 15 | 900 Vestmannaeyjum | Sími: 488 2000 | postur@vestmannaeyjar.is | Kt.: 690269-0159