22.júlí 2019 - 13:07

Frístund opnar 16. ágúst næstkomandi

Þann 16. ágúst næstkomandi opnar frístundaverið í Þórsheimilinu. Frístund er starfrækt eftir hádegi alla virka skóla daga frá 12:30-16:30 fyrir börn í 1-4 bekk. Jafnframt verður boðið upp á heilsdagsvistun á starfsdögum og í vetrarfríi frá 07:45 – 16:30 
 
Dagana 16-22 ágúst verður heilsdagsvistun á frístund. Þeir sem hafa áhuga á nýta sér þjónustuna þá daga eru beðnir um að hafa samband í tölvupósti á anton@vestmannaeyjar.is eða í síma 481-2964 fyrir frekari upplýsingar.

Megin markmið frístundar er að bjóða upp á innihaldsríkt frístundar- og tómstundastarf í barnvænu og skapandi umhverfi þar sem starfshættir einkennast af frjálsum leik og vali.

Opið er fyrir umsóknir og eru foreldrar beðnir um að sækja um sem allra fyrst, áður en skólarnir byrja. Foreldrar sem eiga börn sem nýttu sér frístund á síðasta skólaári þurfa einnig að skila inn umsókn ef þeir ætla að halda áfram að nýta sér þjónustu Frístundar.

Umsóknareyðublöð er að finna í frístundaveri, á íbúagáttinni sem hægt er komast inná í gegnum heimasíðu Vestmannaeyjabæjar, eða í þjónustuverum Vestmannaeyjabæjar í Landsbankahúsinu við Bárustíg og/eða Rauðagerði (gengið inn norðan megin)

Við hlökkum til að taka á móti ykkur.
Anton Örn Björnsson
anton@vestmannaeyjar.is 
s: 4812964

Vestmannaeyjabær | Ráðhúsinu | Bárustíg 15 | 900 Vestmannaeyjum | Sími: 488 2000 | postur@vestmannaeyjar.is | Kt.: 690269-0159