20.mars 2019 - 10:38

Staðan í Landeyjahöfn

Uppýsingar frá Vegagerðinni.
 
Dýpkunarskip vann við dýpkun í Landeyjahöfn 12., 13., 16., 17. og 18. mars. Ágætlega gekk að dýpka í innsiglingu og á snúningssvæði innan hafnar.
 
Ekki tókst að flytja dýpkunarpramma til Landeyjahafnar um helgina eins og stefnt var að.
 
Eins og staðan er núna á eftir að fjarlægja samtals um 17 þús m3 af sandi á dýpkunarsvæðunum. Þar af eru 3-4 þús milli garða í hafnarmynni og um 13-14 þús innan hafnar, að mestu leyti meðfram jöðrum dýpkunarsvæða.
 
Nýjustu veðurspár benda til mögulegs dýpkunarveðurs á föstudag.
 
Við teljum að það þurfi uþb 1 dag til þess að fjarlægja það sem eftir er í hafnarmynni. Annars staðar er dýpi að mestu leyti komið í viðunandi horf. Það tekur sennilega 2-3 daga að fjarlægja það sem eftir er innan hafnar.
 
http://www.vegagerdin.is/siglingar/landeyjahofn/dyptarmaelingar/
Vestmannaeyjabær | Ráðhúsinu | Bárustíg 15 | 900 Vestmannaeyjum | Sími: 488 2000 | postur@vestmannaeyjar.is | Kt.: 690269-0159