6.mars 2017 - 20:57

Hjúkrunarforstjóri óskast

Hjúkrunar- og dvalarheimilið Hraunbúðir í Vestmannaeyjum auglýsir stöðu hjúkrunarforstjóra lausa til umsóknar. 
 
Á Hraunbúðum eru 37 íbúar og er önnur þjónusta við aldraða íbúa í Vestmannaeyjum rekin frá Hraunbúðum.
 
Hjúkrunarforstjóri hefur faglega forystu og ábyrgð á sviði hjúkrunar og umönnunar á heimilinu. Stjórnar faglegri þróun, rekstri og starfsmannahaldi heimilisins á sviði hjúkrunar og umönnunar.
 
Menntunar – og hæfniskröfur
•Gerð er krafa um íslenskt hjúkrunarleyfi
•Framúrskarandi hæfni í mannlegum samskiptum er áskilin sem og hæfni til að vinna sjálfstætt og skipulega.
• Leitað er að einstaklingi með brennandi áhuga á öldrunarmálum og vilja til að takast á við krefjandi verkefni sem eru framundan á sviði öldrunarmála á næstu misserum.
•Góð tölvukunnátta, reynsla og þekking á vinnu með öldruðum æskileg.
 
Laun eru samkvæmt kjarasamningi Félags íslenskra hjúkrunarfræðinga og launanefndar sveitarfélaga.
 
Frekari upplýsingar veitir Sólrún Gunnarsdóttir deildarstjóri í öldrunarmálum í síma 488 2602 eða Jón Pétursson framkvæmdarstjóri Fjölskyldu- og fræðslusviðs Vestmannaeyjabæjar í síma 488 2000 Umsóknarfrestur er til og með 27.mars næstkomandi. Umsókn, ferilskrá ásamt greinargerð um hæfi til starfsins óskast sent á hraunbudir@vestmannaeyjar.is eða Hjúkrunar- og dvalarheimilið Hraunbúðir, Dalhraun 3, 900 Vestmannaeyjum
Vestmannaeyjabær | Ráðhúsinu | Bárustíg 15 | 900 Vestmannaeyjum | Sími: 488 2000 | postur@vestmannaeyjar.is | Kt.: 690269-0159