Gatnagerðarframkvæmdir á næstunni

Um þessar mundir sem og á næstunni verða nokkrar gatnagerðarframkvæmdir í bænum.

Í dag fimmtudag er áætlað að fræsa upp malbik á hluta Strandvegar, það er frá Herjólfsgötu og til austurs að Kirkjuvegi.

Í framhaldi af því verður fræst á Kirkjuvegi frá Ráðhúströð að Vallargötu og á Heiðarvegi frá Hásteinsvegi að Bessastíg.

Strax að aflokinni fræsingu verður umferð hleypt um göturnar.

Í næstu viku er síðan áætlað að malbika þessar götur ásamt fleiri svæðum m.a. sem tilheyra framkvæmdum Ísfélagsins.

Bæjarbúar eru beðnir velvirðingar á því ónæði sem af þessu framkvæmdum fylgir og eru beðnir að taka tillit til þeirra sem verkin vinna.

Þá er mjög áríðandi að bifreiðum sé ekki lagt í bifreiðastæði umræddra gatnahluta, meðan fræsing fer fram.