Velkomin til Vestmannaeyja/ Welcome to Vestmannaeyjar brocure
Kynningarmynd um Vestmannaeyjar
Ferðamannastaðurinn Vestmannaeyjar
- Vestmannaeyjar heimsækir maður með flugi eða ferju
Í Eyjum er boðið upp á fjölbreytta gistimöguleika, hótel, gistiheimili og tjaldstæði ásamt úrvali veitinga- og skemmtistaða. Boðið er upp á fjölmargar skoðunarferðir á sjó, í lofti og á landi. Stórkostlegt útsýni, fjölskrúðugt fuglalíf, þ.á m. stærstu lundabyggð í heimi.
Eldgosið 1973 lagði Vestmannaeyjabæ næstum í eyði en þrátt fyrir það er þar í dag ein stærsta verstöð landsins. Gosið er ekki aðeins nálægt öllum í minningunni, heldur eru ummerki þess um allan Vestmannaeyjabæ.
Á Byggðasafninu í Eyjum er að finna lifandi sýningu um gosið og í félagsheimilinu eru daglega sýndar myndir frá þessum atburðum.
Í Vestmannaeyjum er ennfremur að finna eina sædýrasafnið á Íslandi.
Í Eyjum er glæsilegur 18 holu golfvöllur. Auk þess er alltaf spennandi að fara í fuglaskoðun um eyjarnar. Í boði eru óvenjulegar gönguferðir, hestaleiga og sjóstangaveiði. Greiður aðgangur er að íþróttasölum og sundlaug með heitum pottum og gufubaði.
Verið velkomin til Vestmannaeyja.
