Fjölskyldu- og tómstundaráð - 228 -

1.

Fundargerð barnaverndar fyrir fjölskyldu- og tómstundaráð - 200704150

Undir þessum lið er fjallað um öll erindi sem falla undir barnavernd og eru trúnaðarmál.

Niðurstaða

Fundargerð barnaverndar er færð í sérstaka trúnaðarmálabók

2.

Fundargerð trúnaðarmála fyrir fjölskyldu- og tómstundaráð. - 200704148

Undir þennan lið falla trúnaðarmál sem lögð eru fyrir ráðið og eru færð í sérstaka trúnaðarmálabók.

Niðurstaða

Fundargerð trúnaðarmála er færð í sérstaka trúnaðarmálabók.

3.

Sérstakur húsnæðisstuðningur - 201611108

Fyrir liggja uppfærðar leiðbeiningar fyrir sveitarfélög um framkvæmd sérstaks húsnæðisstuðnings, skv. 2. mrg. 45. gr. laga nr. 40/1991 um félagsþjónustu sveitarfélaga, með síðari breytingum.

Niðurstaða

Fjölskyldu- og tómstundaráð samþykkir að fyrir hverjar 1.000 kr. sem hlutaðeigandi umsækjandi um sérstakan húsnæðisstuðning fær í húsnæðisbætur samkvæmt ákvörðun þar um fái hann greiddar 900 kr. í sérstakan húsnæðisstuðning. Fjárhæð húsnæðisbóta og sérstaks húsnæðisstuðnings samkvæmt ákvörðunum þar um er lögð saman og fæst með því heildarfjárhæð. Þak á þessa heildarfjárhæð er þannig að hún má mest nema 75% af húsnæðiskostnaði vegna viðkomandi íbúðarhúsnæðis.

4.

Hraunbúðir - 200811057

Upplýsingar um stöðu mála hjá Hraunbúðum

Niðurstaða

Heilbrigðisráðuneytið hefur samþykkt beiðni um breytingu rekstrarheimilda dvalarrýma í hjúkrunarrými á hjúkrunarheimilinu Hraunbúðum. Þörfum fyrir hjúkrunarrými hefur aukist í Vestmannaeyjum en minnkað fyrir dvalarrými. Tilkoma nýrra þjónustuíbúða á vegum Vestmannaeyjabæjar mun mæta þessum breytingum sem og efling heimaþjónustu. Ráðið fagnar þessum breytingum og felur framkvæmdastjóra og deildarstjóra öldrunarþjónustu áframhaldandi vinnu við eflingu öldrunarþjónustu.

5.

Framtíðarskipulag og uppbygging íþróttamála í Vestmannaeyjum - 201903124

Breyting á skipuðum fulltrúa í starfshóp til að ræða framtíðarsýn í uppbyggingu, rekstri og skipulagi íþróttamála í Vestmannaeyjum

Niðurstaða

Ráðið gerir breytingu á skipan í starfshóp þannig að í stað Styrmis Sigurðssonar kemur Elís Jónsson.