26.05.2016

Bæjarstjórn - 1512

 

 

Bæjarstjórn Vestmannaeyja - 1512. fundur

 

haldinn í Einarsstofu safnahúsi,

26. maí 2016 og hófst hann kl. 18.00

 

 

Fundinn sátu:

Hildur Sólveig Sigurðardóttir forseti, Elliði Vignisson 1. varaforseti, Páll Marvin Jónsson aðalmaður, Trausti Hjaltason aðalmaður, Birna Þórsdóttir aðalmaður, Stefán Óskar Jónasson aðalmaður og Auður Ósk Vilhjálmsdóttir aðalmaður.

 

Fundargerð ritaði:  Rut Haraldsdóttir, Framkvæmdastjóri stjórnsýslu og fjármálasviðs.

 

Samþykkt var með sjö samhljóða atkvæðum að taka inn með afbrigðum fundargerð fræðsluráðs nr. 286 frá 25. maí s.l.

 

Dagskrá:

 

1.  

201212068 - Umræða um samgöngumál

 

Bæjarstjórn Vestmannaeyja fagnar því að nú skuli loks hafa verið flutt tillaga á alþingi sem felur í sér heimild til útboðs á nýrri Vestmannaeyjaferju. Þar með verður stigið eitt af mikilvægum skrefum í átt að lausn á samgöngu vanda Eyjamanna.

Bæjarstjórn minnir ennfremur á mikilvægi þess að hlustað verði eftir óskum heimamanna í því sem snýr að rekstri hinnar nýju ferju og vísar ma. til neðangreindra áhersluatriða bæjarstjórnar:

1. Fargjald í Þorlákshöfn
Bæjarstjórn Vestmannaeyja hafnar með öllu áformum um að hærra verð sé tekið fyrir siglingar í Þorlákshöfn en í Landeyjahöfn. Eðlilegt og sanngjarnt er að eitt verð gildi fyrir báðar leiðir og fráleitt að rukka sérstaklega þegar siglt er um lengri og erfiðari leið vegna náttúrulegra aðstæðna svo sem veðurs og sandburðar.

2. Lengd útboðs
Bæjarráð hefur þegar lagst eindregið gegn því að samið verði um rekstur ferjunnar til lengri tíma en 3 til 5 ára í senn og þá með skýrum og virkum uppsagnarákvæðum. Siglingar í Landeyjahöfn eru þjóðvegurinn til Eyja. Mikilvægt er að slík grunnþjónusta sé ætíð kvik og hægt sé að skipta um rekstraraðila hratt og örugglega ef þörf er á. Í skemmri samningum er einnig aukinn hvati til árangurs í þjónustu.

3. Gjaldtaka fyrir afnot af þjóðvegi
Gerð er krafa um að gjaldtaka í Herjólf taki mið af því að um er að ræða þjóðveginn til Eyja. Þannig ætti eingöngu að greiða fyrir bíl sambærilegt verð og kosta myndi að aka þessa leið. Ekki ætti að rukka sérstaklega fyrir farþega í bílunum og hófstillt verð fyrir aðra farþega.

4. Ferðafjöldi
Ítrekað í kynningu á verkefninu hefur bæjarstjórn og Eyjamönnum öllum verið kynnt að takmörkun á stærð skipsins verði mætt með stórauknum fjölda ferða. Farið er fram á að ferðir í vetraráætlun verði að lágmarki 5 ferðir á dag og 8 ferðir á dag yfir sumartímann. Þá leggur bæjarstjórn það til að inn í útboðsgögn verði byggð sjálfvirk fjölgun ferða þegar biðlistar valda orðið óþægindum fyrir notendur.

5. Árstíðarbundin áætlun
Bæjarstjórn Vestmannaeyja leggur áherslu á að áætlun skipsins taki mið af þeim breytta veruleika sem fylgt hefur auknu flæði fólks og vaxandi ferðaþjónustu. Sumartími í ferðaþjónustu í Vestmannaeyjum spannar í það minnsta 1. maí til 30. september. Þannig kemur til að mynda mikill fjöldi ferðamanna á haustin til að njóta pysjutímans (a.m.k. út sept. og fram í okt) og á sama hátt er tíminn þegar lundinn er að setjast upp og farfuglar að koma til sumardvalar (apríl og maí) mjög eftirsóknarverður fyrir ferðamenn. Því er farið fram á að árstíðaráætlun skiptist svo:
Vetraráætlun frá 1. okt til 30. apríl. - Sumaráætlun frá 1. maí til 30. sept.

6. Flutningsgeta
Þekkt er að hámarksflutningsgeta skipsins er mismunandi á sumrin og veturna. Farið er fram á að þegar sumaráætlun er í gildi (1. maí til 30. sept) sé flutningsgeta skipsins 550 farþegar.

7. Aukaferðir
Samfélagið í Vestmannaeyjum er með öllu háð samgöngum á sjó. Með siglingum Herjólfs stjórna samgönguyfirvöld lífsgæðum bæjarbúa. Ítrekað gerist það að aukinn sveigjanleika þarf til að mæta sérstökum þörfum. Þannig getur það komið til að sigla þurfi aukaferð vegna stórs viðburðar á sviði íþrótta eða að bæta við ferð seint um kvöld til að koma gestum á bæjarhátíðum (goslok, Þrettándi og fl.) til síns heima. Því er eindregið óskað eftir því að í útboði verði boðið fast verð í aukaferðir, annars vegar þegar verið er að bæta ferð inn í áætlun (milli ákveðinna ferða) og hins vegar þegar ferð er bætt inn í utan áætlunnar. Þá er einnig óskað eftir því að boðin verði út ákveðinn pakki af ferðum (t.d. 30 til 50 ferðir) sem bæjaryfirvöld í Vestmannaeyjum geta í samráði við Vegagerðina fundið stað í viðbót við áætlun.

8. Bókunarkerfið
Það bókunarkerfi sem nú er unnið er eftir er afleitt og ekki boðlegt að áfram verði unnið á forsendum þess. Þá leggur bæjarstjórn Vestmannaeyja þunga áherslu á að hægt verði að bóka a.m.k. 2 ferðir á dag 12 mánuði fram í tímann innan vetraráætlunar og í allar ferðir í sumaráætlun. Slíkt er gríðarlega mikilvægt fyrir t.d. ferðaþjónustu enda skipuleggja ferðaskrifstofur sig a.m.k. ár fram í tímann.

9. Helgidagar
Enn og aftur er minnt á að þjónustustig Herjólfs stjórnar lífsgæðum í Vestmannaeyjum. Í samræmi við nútíma kröfur er gerð krafa um að ferjan sigli alla daga ársins án skerðingar á þjónustu og fjölda ferða nema á aðfangadag, jóladag, gamlársdag og nýársdag þegar farnar væru að lágmarki 3 ferðir. Að rjúfa samgöngur við Vestmannaeyjar á stórhátíðardögum er eins og að loka Grindavíkurvegi eða Vesturlandsvegi þessa daga. Slíkt er ekki boðlegt.

10. Einkaeiga á innri gerð.
Siglingar í Landeyjahöfn eru þjóðvegurinn til Eyja. Einkaframkvæmdir í vegakerfinu hafa eingöngu verið farnar þegar val er um aðra leið svo sem hvað varðar jarðgöngin undir Hvalfjörðinn. Eðlileg og sanngjörn krafa er að þjóðvegurinn til Eyja gegni sömu lögmálum.
11. Þjónusta í landi
Bæjarstjórn hvetur til þess að í útboði sé tryggt að þjónusta í landi sé í samræmi við mikilvægi hennar. Gera þarf ríka kröfu um rúman opnunatíma, öfluga símaþjónustu og skilvirkar upplýsingaveitur. Þá þarf aðstaða í landi að taka mið af þeim mikla fjölda sem fer þar um.

12. Þjónusta um borð
Bæjarstjórn Vestmannaeyja hvetur til þess að þjónusta um borð í ferjunni verði í samræmi við að um er að ræða fólksflutninga og ferðaþjónustu. Þannig sé til að mynda gerð krafa um góða nettengingu, góða leikaðstöðu fyrir börn, veitingaþjónustu og ýmislegt fl.

Hildur Sólveig Sigurðardóttir (sign)
Páll Marvin Jónsson (sign)
Elliði Vignisson (sign)
Trausti Hjaltason (sign)
Birna Þórsdóttir (sign)
Auður Ósk Vilhjálmsdóttir (sign)
Stefán Óskar Jónasson (sign)

Bókunin var samþykkt með sjö samhljóða atkvæðum.

 

   

2.  

201604096 - Friðlýsing búsvæðis sjófugla í Vestmannaeyjum

 

Svohljóðandi tillaga var lögð fram:

Undirritður leggur fram tillögu þess efnis að bæjarstjórn samþykki friðlýsinguna og tekur undir bókun Umhverfis- og skipulagsráðs frá 15.desember 2014 þar sem skýrt kemur fram að friðlýsingin hefur ekki áhrif á nytjarétt Eyjamanna á auðlindinni.
Páll Marvin Jónsson (sign)

Tillaga var samþykkt með fjórum atkvæðum.
Elliði Vignisson, Birna Þórsdóttir og Stefán Óskar Jónasson greiddu atkvæði á móti tillögunni. Elliði Vignisson og Birna Þórsdóttir gerðu grein fyrir atkvæðum sínum.

Páll Marvin Jónsson, Trausti Hjaltason og Auður Ósk Vilhjálmsdóttur gerðu grein fyrir atkvæði sínu.

 

   

3.  

201406089 - Kosning í ráð, nefndir og stjórnir skv. 43. gr. samþykktar um stjórn Vestmannaeyjabæjar og fundarsköp bæjarstjórnar.

 

 

Í stað Karls Gauta Hjaltasonar varmanns í kjörstjórn tekur sæti Páley Borþórsdóttir.

 

Var það samþykkt með sjö samhljóða atkvæðum.

4.  

201604010F - Bæjarráð Vestmannaeyja nr. 3024 frá 26. apríl s.l.

 

Liðir 1-5 liggja fyrir til staðfestingar.

 

Liðir 1-5 voru samþykktir með sjö samhljóða atkvæðum.

 

   

5.  

201604013F - Umhverfis- og skipulagsráð Vestmannaeyja nr. 247 frá 9. maí s.l.

 

Liður 6 liggur fyrir til umræðu og staðfestingar.
Liðir 1-5 og 7-10 liggja fyrir til staðfestingar.

 

Liður 6 var samþykktur með sex atkvæðum, Stefán Óskar Jónasson vék af fundi við umræðu og afgreiðslu málsins.
liðir 1-5 og 7-10 voru samþykktir með sjö samhljóða atkvæðum.

 

   

6.  

201605001F - Bæjarráð Vestmannaeyja nr. 3025 frá 17. maí s.l.

 

Liður 1 liggur fyrir til umræðu og staðfestingar.
Liðir 2-4 liggja fyrir til staðfestingar.

 

Liður 1 var samþykktur með sjö samhljóða atkvæðum.
Liðir 2-4 voru samþykktir með sjö samhljóða atkvæðum.

 

   

7.  

201604014F - Framkvæmda- og hafnarráð Vestmannaeyja nr. 191 frá 17. maí.

 

Liðir 1-4 liðir liggja fyrir til staðfestingar.

 

Liðir 1-4 voru samþykktir með sjö samhljóða atkvæðum.

 

   

8.  

201605009F - Umhverfis- og skipulagsráð Vestmannaeyja nr. 248 frá 23. maí s.l.

 

Liðir 1-11 liggja fyrir til staðfestingar.

 

Liðir 1-11 voru samþykktir með sjö samhljóða atkvæðum.

 

   

9.  

201605003F - Fjölskyldu- og tómstundaráð nr.178 frá 17. maí s.l.

 

Liðir 1-3 liggja fyrir til staðfestingar.

 

Liðir 1-3 voru samþykktir með sjö samhljóða atkvæðum.

 

   

10.  

201605002F - Fræðsluráð nr. 286 frá 25. maí s.l.

 

Liðir 1-5 liggja fyrir til umræðu og staðfestingar.

 

E listinn lagði fram svohljóðandi bókun við umræðu um fyrsta lið á dagskrá fundargerðarinnar, Fagleg úttekt á stöðu GRV í samræmdum prófum:

E-listanum þykir ráðlagt að hafa einnig með í stýrhópnum fulltrúa frá kennurum og skólastjórnendum. Myndu þessir aðilar koma með aukna fagþekkingu inn í hópinn sem ætti að skila faglegri vinnubrögðum og skjótari og betri útkomu fyrir skólann og nemendur.
Auður Ósk Vilhjálmsdóttir (sign)
Stefán Óskar Jónasson (sign)

D-listinn lagði fram svohljóðandi bókun:
Fræðsluráð fól Ráðrík úttekt ehf. framkvæmd á faglegri úttekt á starfi GRV, því er eðlilegt að stýrihópur sem hefur það hlutverk að vinna að eftirfylgni við úttektina sé skipaður fulltrúum fræðsluráðs. Stýrihópurinn mun kalla til ráðgjafar og samtals hlutaðeigandi aðila hverju sinni.
Á fundi fræsluráðs bárust engin mótmæli varðandi skipun stýrihópsins hvorki frá fulltrúa kennara, stjórnenda GRV né fulltrúa E-listans sem mun jafnframt sitja í stýrihópnum. Þá er minnt á að eitt af hlutverkum stýrihópsins er að fjalla um það álitaefni sem fólgið er í breytingum á skipuriti skólans. það er fráleitt að flytja tillögu sem felur það í sér að undirmenn véli um störf yfirmanna sinna. Hitt er svo annað að til borðsins verða að sjálfsögðu kallaðir aðilar til að vinnna með stýrihópnum, má þar nefna fulltrúa kennara, skólstjórnenda, nemenda, IBV, foreldra, fræðsluskrifstofu og úttektaraðila.

Hildur Sólveig Sigurðardóttir (sign)
Trausti Hjaltason (sign)
Elliði Vignisson (sign)
Páll marvin Jónsson (sign)
Birna Þórsdóttir (sign)


Liður 1 var samþykktur með sjö samhljóða atkvæðum.
Liður 2 var samþykktur með sjö samhljóða atkvæðum.
Liður 3 var samþykktur með sjö samhljóða atkvæðum.
Liður 4 var samþykktur með sjö samhljóða atkvæðum.
Liður 5 var samþykktur með sjö samhljóða atkvæðum.

 

   

 

 

 

Næsti reglulegi fundur verður haldinn í Einarsstofu 23. júní n.k.

                                                                                           

Fleira ekki gert. Fundi slitið kl. 20.27

 
Vestmannaeyjabær | Ráðhúsinu | Bárustíg 15 | 900 Vestmannaeyjum | Sími: 488 2000 | postur@vestmannaeyjar.is | Kt.: 690269-0159