Framkvæmda- og hafnarráð - 128 -

 

 

haldinn í fundarherbergi Umhverfis- og framkvæmdasviðs,

mánudaginn 4. júní 2012 og hófst hann kl. 16:00

 

 

Fundinn sátu:

Arnar Sigurmundsson formaður, Stefán Óskar Jónasson, Jón Árni Ólafsson, Bergvin Oddsson, Íris Róbertsdóttir, Sveinn Rúnar Valgeirsson, Guðmundur Þ B Ólafsson, Ólafur Þór Snorrason.

 

Fundargerð ritaði: Ólafur Þór Snorrason, framkvæmdastjóri umhverfis- og framkvæmdasviðs

 

 

 

Dagskrá:

 

1. 201008031 - Upplýsingabeiðni frá Eftirlitsstofnun EFTA (ESA)vegna skipalyftu í Vestmannaeyjum

Fyrir lá svar frá Eftirlitsstofnun EFTA (ESA) dags. 30.maí 2012 vegna meintar opinberrar aðstoðar vegna endurbyggingar upptökumannvirkja Vestmannaeyjahafnar. Fram kom að endurbygging upptökumannvirkjanna felur ekki í sér opinbera aðstoð skv. skilgreiningu Eftirlitsstofnunar EFTA (ESA).

Ráðið fagnar niðurstöðu Eftirlitsstofnunar EFTA (ESA), enda er hún í fullu samræmi við þau sjónarmið sem fulltrúar Vestmannaeyjahafnar hafa haldið fram.

 

2. 201206002 - Viðgerðir á bryggjuþiljum 2012

Sveinn R Valgeirsson fór yfir áfallinn kostnað vegna viðgerða á bryggjuþiljum í Vestmannaeyjum. Fram kom að áfallinn kostnaður er kr. 25.079.982. Í viðbót þarf að fara í viðgerðir á bryggjuþili Básaskersbryggju og er áætlað að fara í það verk í haust ásamt nokkrum minniháttar viðgerðum.

 

 

3. 201205077 - Hafnartorg 2012

Farið yfir framkvæmdir við nýtt Hafnartorg/Vigtartorg við Vigtarhús og vesturhús Fiskiðjunnar sem tekið var í notkun um sjómannadagshelgina.

Ráðið þakkar öllum þeim aðilum innanbæjar og utan sem lögðu hönd á plóginn við að gera torgið jafn glæsilegt og raun ber vitni og óskar bæjarbúum til hamingju.

 

4. 201011075 - Eldheimar 2011 framtíðarsýn.

Framkvæmdastjóri fór yfir stöðu mála varðandi framkvæmdir við Eldheima en verkið fer fljótlega í útboð.

 

 

5. 201205035 - Niðurrif á malbikunarstöð

Guðmundur ÞB Ólafsson fór yfir verkáætlun vegna niðurrifs malbikunarstöðvar. Fram kom að farið verður farið í að rífa malbikunarstöðina síðar í þessum mánuði.

 

 

 

 

 

 

 

Fleira ekki gert. Fundi slitið kl. 17.05