Fræðslu- og menningarráð - 244 -

Undirbúningur goslokahátíðar 2012

Ráðið ræddi undirbúning og framkvæmd komandi goslokahátíðar. Ráðið leggur ríka áherslu á fjölbreytni viðburða og að í dagskrárgerð hátíðarinnar verði höfðað jafnt til allra aldurshópa. Menningarfulltrúa Vestmannaeyjabæjar er falið að ræða við aðila til að koma að hugmyndavinnu við undirbúning á goslokahátíðinni

 

Umsókn um aðkomu Vestmannaeyjabæjar að leikjanámskeiði fyrir börn næsta sumar.

Ráðið fagnar því frumkvæði sem birtist í umsókninni og tekur jákvætt í erindið. Verkefnið fellur vel að æskulýðsstefnu Vestmannaeyjabæjar ásamt því að það mun koma á framfæri, á nýstárlegan máta, mikilvægri menningarsögu Vestmannaeyja til heimamanna jafnt og ferðamanna sem sækja Vestmannaeyjar heim. Því leggur ráðið það til að Vestmannaeyjabær útdeili tveimur flokkstjórum vinnuskólans í sumar til Leikfélags Vestmannaeyja í umrætt verkefni. Ráðið felur menningarfulltrúa frekari framgöngu málsins.

 

Beiðni um samþykki ráðsins á efni og uppsetningu upplýsingaskilta á Skansinum.

Ráðið þakkar kynninguna og samþykkir fyrir sitt leyti efni og uppsetningu upplýsingaskiltanna.