06.03.2012

Fræðslu- og menningarráð - 243

 
 
Fræðsluráð - 243. fundur
 
haldinn í fundarsal Ráðhúss,
þriðjudaginn 6. mars 2012 og hófst hann kl. 16:30
 
 
Fundinn sátu:
Hildur Sólveig Sigurðardóttir, Páll Scheving Ingvarsson, Elsa Valgeirsdóttir, Trausti Hjaltason, Jón Pétursson, Erna Jóhannesdóttir, Alda Gunnarsdóttir og Júlía Ólafsdóttir.
 
Fundargerð ritaði:  Erna Jóhannesdóttir, fræðslufulltrúi
 
Marta Jónsdóttir áheyrnarfulltrúi sat fundinn.
 
Dagskrá:
 
1.
201202028 - Ósk um endurskoðun niðurgreiðslna til dagforeldra.
Erindi frá foreldrum barna fædd 2011 dagsett 9. febrúar 2012.
Ráðið þakkar foreldrum barna fædd 2011 erindið. Í bréfinu koma fram óskir um endurskoðun á niðurgreiðslum til dagforeldra og að þær verði færðar nær þeim sveitarfélögum sem nefnd eru í bréfinu. Mikilvægt er að vanda vel til verka þegar slíkar reglur eru endurskoðaðar. Þó niðurgreiðslur sumra sveitarfélaga séu hærri en gerist í Eyjum þá er kostnaður dagforeldra einnig mishár eftir sveitarfélögum. Vestmannaeyjabær styður einstæða foreldra með því að niðurgreiða frá upphafi vistunar hjá dagforeldri. Eins fá foreldrar barna hjá dagforeldri systkinaafslátt fyrir önnur börn sín á leikskólum bæjarins. Vestmannaeyjabær hefur lagt sig fram um að vera meðal fremstu sveitarfélaga hvað varðar þjónustu við barnafjölskyldur. Frá árinu 2009 hefur leikskólaplássum í  leikskólum bæjarins fjölgað um 35 og rekstarkostnaður aukist um 60 milljónir. Árið 2010 voru barnafjölskyldur hvað ánægðastar í Vestmannaeyjum skv. könnun Capacent, árið 2011 var létt undir með barnmörgum fjölskyldum þegar innheimtureglum dagvistunargjalda var breytt þannig að 3. barn í vistun og umfram fengi þjónustuna gjaldfrjálsa. Árið 2012 var farið af stað með íþróttaakademíu við Grunnskóla Vestmannaeyja, Vestmannaeyjar eru næstódýrasta sveitarfélagið hvað varðar heildarkostnað foreldra fyrir skóladagvistun grunnskólanemenda með hressingu og hér er frítt í sund fyrir öll börn með lögheimili í sveitarfélaginu undir 18 ára aldri. Á sama tíma hefur hlutfall menntaðra leik- og grunnskólakennara aukist til muna í Vestmannaeyjum og því sífellt faglegra og metnaðarfyllra starf sem fer fram inni á uppeldisstofnunum sveitarfélagsins.
Niðurgreiðslur vegna daggæslukostnaðar hafa ekki verið endurskoðaðar síðan í október 2008. Því leggur ráðið til að umræddar reglur fari í endurskoðun haustið 2012.
 
 
2.
200901042 - Ársskýrslur. Fjölskyldu- og fræðslusvið.
Ársskýrslur leikskólanna Sóla og Kirkjugerðis fyrir skólaárið 2010-2011 lagðar fram til kynningar.
Ráðið þakkar kynninguna og fagnar því metnaðarfulla starfi sem fer fram í leikskólum bæjarins.
 
3.
201202122 - Nýjar viðmiðunarreglur vegna barna á leikskólum utan lögheimilissveitarfélags
Nýjar viðmiðunarreglur Samband íslenskra sveitarfélaga vegna barna á leikskólum utan lögheimilissveitarfélags lagðar fram til kynningar.
Ráðið þakkar kynninguna.
 
4.
201105032 - Daggæsla, dagvistun í heimahúsum
Kynning á stöðu daggæslumála í heimahúsum.
Fram kom að starfandi dagforeldrar í Vestmannaeyjum eru fimm en Salóme Ýr Rúnarsdóttir hóf aftur störf 1. mars s.l.
Ráðið þakkar kynninguna.
 
 
 
 
 
 
Fleira ekki gert. Fundi slitið kl. 16.55
Vestmannaeyjabær | Ráðhúsinu | Bárustíg 15 | 900 Vestmannaeyjum | Sími: 488 2000 | postur@vestmannaeyjar.is | Kt.: 690269-0159