Warning: Creating default object from empty value in /usr/share/php/library/Webber/Controller/Plugin/LangSelector.php on line 18 Vestmannaeyjabær - Vestmannaeyjar.is
12.mars 2018 - 08:34

Þjónustuíbúðir Vestmannabraut 58b óska eftir starfsfólki í sumarafleysingar

Lausar eru tvær 80-85% sumarafleysingastöður fyrir starfsmann á heimili fyrir fatlað fólk við Þjónustuíbúðir. Einnig er laus 25-30% staða á helgarvöktum sem gæti t.d. hentað námsmönnum. Óskað er eftir sumarafleysingum á tímabilinu 14. maí-30. ágúst eða eftir nánara samkomulagi. Unnið er á vöktum allan sólarhringinn.

 

Meira
9.mars 2018 - 13:41

Atvinna í boði/afleysingar

Óskum eftir starfsmanni í félagslega heimaþjónustu. Starfið felur í sér aðstoð við einstaklinga inni á heimili þeirra og við athafnir daglegs lífs, þrif, matarinnkaup ofl. Starfið krefst sjálfstæðra vinnubragða og góðrar hæfni í mannlegum samskiptum um er að ræða 50% starfshlutfall í afleysingar með möguleika á auknu starfshlutfalli í sumar. Viðkomandi þyrfti að geta hafið störf sem fyrst . 
Meira
8.mars 2018 - 13:38

Magnaður árangur

Árangur íþróttafólks frá Vestmannaeyjum er einstakur.  Núna um helgina leika karla- og kvennalið okkar til úrslita í bikarkeppni í handbolta.  Vinni liðin leiki sína verður íþróttafólk frá Vestmannaeyjum handhafi allra bikarmeistaratitila í meistaraflokki karla og kvenna í bæði handbolta og fótbolta.

Meira
6.mars 2018 - 14:12

Hjólaskófla til sölu

Vestmannaeyjabær auglýsir eftir tilboðum í hjólaskóflu CAT966C árgerð 1973

Meira
28.febrúar 2018 - 09:37

Útboð- viðbygging við Barnaskólann

Vestmannaeyjabær óskar eftir tilboðum í viðbyggingu við Barnaskólann í Vestmannaeyjum. Viðbyggingin verður steinsteypt hús á tveimur hæðum samtals um 40 m2.
 
Meira
28.febrúar 2018 - 08:42

AUGLÝSING UM NÝTT AÐALSKIPULAG VESTMANNAEYJABÆJAR 2015-2035

 
AUGLÝSING UM NÝTT AÐALSKIPULAG VESTMANNAEYJABÆJAR 2015-2035
Bæjarstjórn Vestmannaeyjabæjar hefur samþykkt að auglýsa tillögu að aðalskipulagi Vestmannaeyjabæjar skv. 31. gr. laga nr. 123/2010 ásamt umhverfisskýrslu sbr. 7. gr. laga nr. 105/2006. Nýtt aðalskipulag tekur til tímabilsins 2015-2035 og er endurskoðun á aðalskipulagi fyrir tímabilið 2002-2014.Tillagan er sett fram á uppdrætti og í greinargerð.
Skipulagstillagan verður til sýnis í Einarsstofu (anddyri Safnahúss) við Ráðhúströð og hjá embætti skipulags- og byggingarfulltrúa Skildingavegi 5, frá 28. febrúar til og með 11. apríl 2018. Á sama tíma verður tillagan aðgengileg hjá Skipulagsstofnun bæði í sýningarrými að Borgartúni 7b og á vefsíðunni www.skipulag.is. Þá eru öll gögn aðalskipulagsins aðgengileg rafrænt á heimasíðu Vestmannaeyjabæjar www.vestmannaeyjar.is, í glugganum Nýtt Aðalskipulag
Opið hús, kynning á skipulaginu verður í Einarsstofu (anddyri Safnahúss) við Ráðhúströð miðvikudaginn 7. mars nk. milli kl. 14:00 og 18:00. Þar munu hönnuðir skipulagsins kynna efnistök skipulagsins og svara fyrirspurnum áhugasamra.
Athugasemdir við tillöguna. Þeim sem telja sig eiga hagsmuna að gæta er hér með gefinn kostur á að gera athugasemdir við tillöguna og er frestur til að skila inn athugasemdum til 11. apríl 2018. Skila skal inn skriflegum athugasemdum til skipulagsfulltrúa á skrifstofu hans að Skildingavegi 5, 900 Vestmannaeyjum b.t. skipulagsfulltrúa eða á netfangið bygg@vestmannaeyjar.is
 
 
 
skipulagsfulltrúi
 
Meira
26.febrúar 2018 - 09:27

Viltu vinna úti í góða veðrinu í sumar?

Vestmannaeyjabær leitar að duglegu og framtakssömu ungu fólki í ýmis sumarstörf og nú er búið að opna fyrir umsóknir! Störfin eru fyrir ungmenni fædd 2001 og fyrr. Sumarstörf hjá Vestmannaeyjabæ felast aðallega í störfum í Vinnuflokki Vestmannaeyjabæjar, en einnig í flokkstjórastöðum við vinnuskóla, starfi á gæsluvelli, aðstoð við fatlaða og önnur þau störf sem til kunna að falla hjá Vestmannaeyjabæ. Meira
20.febrúar 2018 - 14:26

Fundarboð

  

Bæjarstjórn Vestmannaeyja - 1530

 

FUNDARBOÐ

 

1530. fundur Bæjarstjórnar Vestmannaeyja verður haldinn í Einarsstofu safnahúsi,

22. febrúar 2018 og hefst hann kl. 18.00

 

Meira
14.febrúar 2018 - 08:26

Deildarstjóri í dagdvöl aldraðra

Á Hraunbúðum er laus til umsóknar 80 % staða deildarstjóra í dagdvöl aldraðra.  Dagdvöl aldraðra er stuðningsúrræði við þá sem að staðaldri þurfa eftirlit og umsjá til að geta búið lengur heima. Á Hraunbúðum er leyfi fyrir 10 dagdvalarrými þar sem einstaklingar koma inn yfir dagtímann á virkum dögum. 

Meginhlutverk starfsins er :

Sjá um og skipuleggja dagdvöl aldraðra

Hafa umsjón með félagsstarfi íbúa hjúkrunarheimilisins 

Hæfnikröfur:

Áhugi og reynsla í vinnu með öldruðum

Góð samskiptahæfni og sjálfstæði í vinnubrögðum

Menntun á sviði heilbrigðis- eða félagsvísinda góður kostur

 

Laun skv kjarasamningi viðkomandi við samband íslenskra sveitarfélaga. Umsóknarfrestur er til 8.mars nk.

 

Frekari upplýsingar veitir Sólrún Gunnarsdóttir deildarstjóri öldrunarmála á netfangið solrun@vestmannaeyjar.is eða í síma 488 2602

Meira
13.febrúar 2018 - 14:41

Ráðning á iðjuþjálfa í öldrunarþjónustu

Hrefna Óskarsdóttir hefur verið ráðin sem iðjuþjálfi í 50 % stöðu í öldrunarþjónustu Vestmannaeyjabæjar. Iðjuþjálfi verður með aðstöðu á Hjúkrunar- og dvalarheimilinu Hraunbúðum og sinnir meginhluta starfsins þar.  Hrefna lauk námi í iðjuþjálfun frá Háskólanum á Akureyri árið 2009 og er að ljúka meistaranámi í geðheilbrigðisfræðum frá sama skóla.  Vestmannaeyjabær býður Hrefnu velkoma til starfa. 

Meira
Eldri
Vestmannaeyjabær | Ráðhúsinu | Bárustíg 15 | 900 Vestmannaeyjum | Sími: 488 2000 | postur@vestmannaeyjar.is | Kt.: 690269-0159