Heimaey kertaverksmiðja er vinnustaður fyrir fólk sem vegna fötlunar eða örorku er með skerta starfsgetu.

Heimaey kertaverksmiðja er rekin í samræmi við lög um málefni fatlaðra, nr.59/1992 og reglugerð um atvinnumál fatlaðra nr. 376/1996. Rekstraraðili er Vestmannaeyjabær samkvæmt þjónustusamningi við Félagsmálaráðuneyti. 

1. Júní 2009 var undirritað samkomulag milli Starfsmannafélags Vestmannaeyjabæjar og Vestmannaeyjabæjar vegna starfsmanna í Heimaey og njóta þeir allra réttinda sem gilda samkvæmt því samkomulagi. Samkvæmt samningnum er hver starfsmaður í allt að 50% stöðugildi en þó með undantekningu í sérstökum tilfellum.  Vinnutími er annað hvort fyrir eða eftir hádegi.

Vinnusamningur, sem skylt er að gera við nýja starfsmenn, getur falið í sér tímabundna starfsþjálfun um tímavinnu eða ótímabundna ráðningu um starfshlutfall m.v. starfsgetu skv. starfsmati að lokinni starfsþjálfun. Þeir sem rétt eiga á þjónustu geta sótt um hana á til þess gerðum eyðublöðum (hér).

 

Allar nánari upplýsingar gefur forstöðumaður.

 

 

http://kertaverksmidjan.hlutverk.is 

Binna Hlöðversdótt.